(တရားတစ်ခွန်း ပတ္တမြားတစ်ဇွန်း)ယောနိသော မနသီကာရ

တစ်ခါက ကြားခဲ့ဖူးတဲ့ စကားတစ်ခွန်းဟာ အခုအရွယ်လွန်ရောက်လာမှဘဲ စကားနောက်တရားပါဆိုသလို

စကားတစ်ခွန်း ဟာ ပတ္တမြားတစ်ဇွန်း မက တန်ဖိုးရှိလွန်းလှလို့ အရွယ်ငယ်ပေမယ့်အသိဥာဏ်ကြွယ်တဲ့

ကိုရင်လေးဟောခဲ့တဲ့တရားဖြစ်လာပုံကို မျှဝေချင်ပါတယ်။ဟိုငယ်ငယ် အိမ်ထောင်သည်ဘဝက

ရုန်းရင်းကန်ရင်းကြိုးစားရင်း ကျွန်တော့် ဘဝရဲ့ပထမဆုံး ရဟန်း ဒကာ အဖြစ် ကိုရောက်ရှိနိုင်ခဲ့တယ်။

အဲဒီတုန်းက ကျွန်တော် အသန့်ရှင်း အစင်ကြယ်ဆုံး ရှာဖွေထားတဲ့ ဥစ္စာပစ္စည်းထဲမှ လှူတန်းခဲ့ခြင်းဖြစ်တယ်။

ဒါနအနှစ် ရဟန်းဒကာ အောင်ပွဲအဖြစ် ကျွန်တော့်သက်တမ်း ရဲ့ အရင်ဦးဆုံး လောဘကို အနိုင်တိုက်ထုတ်

နိုင်တဲ့ ဒါနအောင်ပွဲ ကိုဆင်နွှဲ နိုင်ခဲ့တယ်။မရှိလို့မလှူ ၊ မလှူလို့မရှိဆိုသလိုဘဲ ဒီတုန်းက လောဘနဲ့

အလောဘ လွန်ဆွဲပွဲမှာ အနှိူင်းမဲ့ ဒါနစစ်စစ်က အောင်ပွဲခံနိုင်ခဲ့ပါတယ်။မှတ်မိပါသေးတယ်။ ဒီတုန်းက

ရွှေတစ်ကျပ်သားမှ တစ်ထောင်ကျော်ဈေးရှိပါသေးတယ်။ မောပန်းစွာရှာဖွေလို့ရလာတဲ့ ငွေခုနှစ်ထောင်ကျော်

ကို အကုန်လုံး ပုံပြီး ရဟန်းခံဒကာ အဖြစ် အလှူပြုခဲ့တယ်။ အဲဒီအလှူပွဲမှာ အလှူပြုလုပ်မဲ့နေရာ ဖြစ်တဲ့

“ကြောင်းပန်းတောရတိုက်”တို့ အသွား မုံရွာကြောင်ပန်း ဓမ္မာရုံမှာ ခေတ္တ ခရီးတစ်ထောက်နားရင်း

ကိုယ်တွေ့ကြူံခဲ့ရတဲ့ တကယ့်ဖြစ်ရပ်မှန်လေး တစ်ခုပါ။ ဒီတုန်းက ဝမ်းသာပီတိဇောအဟုန်ကြောင့်

ခရီးကြမ်းပေမယ့်ပင်ပန်းရမှန်းမသိ ဇနီးမယား သ္မီး သားတွေနဲ့အတူ ခရီးရောက်မဆိုက်ကျောင်းဝင်းအတွင်း

သစ်ပင်အိုကြီးတစ်ပင်အောက်မှာ ကလေးသုံးယောက်နဲ့အတူခေတ္တ မောပန်းစွာ အနားယူနေခဲ့တယ်။

အဲဒီအချိန်မှာ ကျောင်းဝင်းအတွင်း သေနာသနဝတ် (ကိုရင်လေးတို့ဝတ္တရား) ပြုနေတဲ့ကိုရင်လေးတစ်ပါးကုိ

ကြည်ညိုဖွယ်ရာဖူးတွေ့လိုက်ရပါတယ်။ဒီမြင်ကွင်းကတော့ ဆန့်ကျင်ဖက်မြင်ကွင်းလေးတစ်ခုပါ။

ကိုရင်လေးက ကျောင်းဝင်းအတွင်းမှာ အမှိုက်သရိုက်တွေကိုသန့်ရှင်းနေဆဲ ပါလာတဲ့ကလေးသုံးယောက်က

တော့ ကလေးသဘာဝ အမှိုက်ဖွကာ ဆော့ကစားနေဆဲပေါ့။ကိုယ့်စိတ်နဲ့နိုင်း မရိုင်းဆုိသလို ကိုယ်ဟာကို

ဒီလိုပြန်တွေးမိတယ် “ငါသာဆိုရင် အခုလိုသန့်ရှင်းအောင်အမှိုက် လှည်းရှင်းနေစဉ်မှာ အမှိုက်ရှုပ်သူအပေါ်

အပြစ်တင်မိမှာအမှန်ပါဘဲ”။ ငါ့မှာဒီစိတ်မျိုးဖြစ်နေရင် ကိုရင်လေးရဲ့စိတ်ထားကိုလည်းမေးကြည့်မယ်လို့

အတွေးပေါ်လာပြီး


“ကိုရင်လေးဘုရား တပည့်တော်သာဆိုရင်အခုလိုသန့်ရှင်းရေးလုပ်ခိုက် အမှိုက်ရှုပ်သူပေါ်လာရင် စိတ်ဆိုးမိမှာအမှန်ဘဲ။ ကိုရင်လေးရဲ့စိတ်သဘောထား ကိုလည်းအမိန့်ရှိပါဘုရား”


လို့လျှောက်တော့ ကိုရင်လေး ကဒီလိုပြန်ပြောလိုက်တယ်။


“အမှိုက်ရှုပ်တဲ့သူရှိမှအမှိုက်ရှင်းရမှာ။ အမှိုက်များများရှုပ်လေလေကောင်းလေ။ ကုသိုလ်များများရလေ ဘဲပေါ့ ဒကာကြီးရဲ့”


အံ့သြဖို့ကောင်းလောက်အောင် နှလုံးသွင်းမှန်တဲ့ ကိုရင်လေးပါလားလို့ လေးစားကြည်ညိုမိပါတယ်။ဒီတုန်းက

စကားတစ်ခွန်းဟာ အမှတ်တမဲ့နဲ့ မတောင်းဘဲကိုရင်လေးဟောခဲ့တဲ့တရားတစ်ပုဒ်ဆိုသာ မသိသာခဲ့ဖူး။

နောက်တော့ ကြာလေလေ ဟောင်းလေလေ အကျိုးရှိလေလေ ဖြစ်လာခဲ့ရတော့တယ်။ ဘဝမှာ ကြုံလာသမျှ

လောကဓံတရားကို ရင်ဆိုင်ဖြေရှင်းရာမှာ အကာင်းဆုံး အသုံးဝင်လှတဲ့ နည်းလမ်းဖြစ်ကြောင်း တစ်စထက်

တစ်စနားလည် လာခဲ့ ရပါတယ်။အရာရာကို ခွင့်လွှတ်သည်းခံစ်ိတ်နဲ့ အကောင်းမြင်ဝါဒ

ရှိပြီးနှလုံးသွင်းမှန်ရင်ကုသိုလ်အကျုိုးဆထက်တစ်ပိုး တိုးပွားလာကြမှာပါ။ သြော်... သူတော်ကောင်းတို့ထုံး

နှလုံးမူကြမယ်ဆို အရာခတ်သိမ်း ဘဝခတ်သိမ်း အေးချမ်းသာယာပြီး တစ်စထက်တစ်စ တစ်ဘဝထက်

တစ်ဘဝ တိုးတက်ကြီးပွား အကျိုးများလာကြမှာ အမှန်ပါဘဲ။ ကိုရင်လေးရဲ့ တရားတစ်ခွန်းက

တစ်ကယ်ဘဲပတ္တမြားတစ်ဇွန်း လိုတန်ဖိုးရှိလှပါတကား။

အညံ့ပန်း(ပတ္တမြားမြေ)